بسم الله الرحمن الرحيم
السلام عليكم جميعا اخواني واخواتي
مبارك عليكم هذا الشهر الفضيل والضيف اللطيف
وعساكم من عواده كل سنه بالصحه والعافيه
اخيرا استجمعت الشجاعه لكتابة اول بوست لي
كنت دايما متردد اني اكتب واخوض تجربة الكتابه بالمدونات
احب اتنقل في عالم المدونات بكل هدوء وبدون ردود
اما الحين فكلمت نفسي وقلت
why not ?
ليش ما ابدأ اكتب
حتى لو ما كان في تشجيع ؟
وحتى لو كانت كتابتي سيئه التجربه ما بتضر شي ؟
ولا انا غلطان ؟
*&*&*&*&*&*&*&*
قريت مره في احد المدونات
انه الكاتب يطوف في بوستاته القديمه ولي كاتبهم اول
كأنه البوم من الكتابات الذاتيه واليوميات الحياتيه
كأنه يزورهم متى ما حب ويستمتع في هذه الرحله في البوم كتاباته
صراحه اعجبتني الفكره
وجذي صار لازم الحين اعرفكم بنفسي
انا
اخوكم الصغير فيصل
عمري ابتدى في
27-6-86
واكثر الناس الي يشوفوني ويعرفوني يعطوني خلاف عمري
احيانا اكبر
وهذا الي غالبا ما يكون
وقليلا اصغر
اتمنى انضم لهذه الاسرة الرائعه والتوليفه العذبه من ناس حبيتهم من خلال تعايشي معاهم في الفتره الي طافت
تحياتي القلبيه لكل انسان يقرا هذه الكلمات
وياهلا ومرحبا فيكم في مدونتي
دمتم
هناك ١٥ تعليقًا:
مبروك المدونه و التدوين
مبارك عليك الشهر و عساك من عواده
فعلا
واي نوت :)
انا اول معلقه في اول بوست لك :)
حيالله الشيخه ... منورتنيي بأول تعليق
وعساه ما يكون اخر تعليق :)
الله يبااارك في عمرج وعلينا وعليج
ينعاد بالخير ان شاء الله
كل عام وانت بخير
:)
وينعاد عليك يالخير والعافيه
واخيـــــــــرا ما بقيت
اكيد بشجعك
؛)
اتمنى ان الله يوفقك ومو شرط ان الي تكتبه يعجبنا المهم يعبر عنك ومنك وما يتعدى حدوده
سعيده بمروري على مدونتك
تحياتي يالصغير
magnoonah
هلا والله .. نورتيني عزيزتي..
الله يعافييج ويخليج..
اشكر تشجيعج .. ويكفينا حضورج هو
احلى تشجيع
وانا الاسعد اختاه.. دمتي كما تحبين :)
كل عام وانت بخير
وتقبل الله طاعتك
helloooo....
لوول تبي تضحك كل ما امر على بلوقك ادش بس اول بلوقين حاطهم
و
try me
ما ادخله لوول عادي العتب على العقل بس امبي مبروووك على اول بووست و منه الى الاعلى يارب
انشالله تستانس معانااا وتستفييد
و هاا حاط تاريخ ميلادك عشاان الهديه لوووول
;p
لا اتغشمر بس حياك الله و متشوقين حق الي بكتبه و تقوله
عيدك مبارك و ايامك كلها سيعده يارب
salam friend...
magnoonah
منا ومنج صالح الاعمال والنيات.. وعساج من العايدين الفايزيين.. هالله هالله بالعيادي عاد :)
5roofa
هلاااااااااااااا خرووووفتنا الاخت العزيزه
خخخخخخ اي اي هذيله البلوقات انا بحذفهم بس ماني عارف .. حاولت مره بعدين انشغلت عنهم..
والله يبارك فيج وان شاء الله نفيد ونستفيد والله يجمعنا معاكم على الخير والمحبه..
تاريخ ميلادي حاطه هههههه لالا مو عشان الهديه بس عشان تعرفون يعني بضبط العمر .. بس ما يمنع قصه ابداع منج لي بيوم ميلادي :)
وعيدج ابرك واحلى يارب .. ووياج وويا الطيبين نكون من العايدين والفايزين كل السنين ..
سعيد بمرورج ولا تقطاعينا ولا تنسين العنوان اخر بلوق تحت لووووووول
حياك الله بعالم المدونات
هنيه العمر ما ينحسب بالوقت
اعتقد ينحسب بالكلمه
بالتجربه
قول اللي عندك ولا تهاب
لا تخجل من شعور
ولا تخاف من فكره
كلمتك هي ميزانك
توصل للغير
او ما توصل
على حسب شطارتك
ولا تتكيسل
بكره الناس تدور تشوف فيصل شنو كاتب اليوم
واخذها منى
شعور لا يوصف
لما تعرف انك كسبت ناس بصفك
تحرص تعرف يوم فيصل شلون كان
وكلمة فيصل شلون طعمها
اختك الزين
wellcome to the blog world ;D
can't wait to read ur posts ;)
وينك ياا رجل وايد طولت عليناا
يالله رد و اكتب بوست جي يبرد الجبد لووول
و عسا الغيبه خييير
salamz friend...
مبارك عليك الشهر
عيدك مبارك
ومبروك على البلوق
ترى وايد ممتع عالم المدونات
ياخذ من يومك جزء كبير من وقتك
وبعد هو التزام...عليك
حياك الله ويانا
ZoZOta
الله يحييج ويطولي عمرج .. اشكر كلماتج الطيبه
المشجعه .. واتمنى اني اكون عند حسن الظن .. والله يقدرني على تقديم الشيئ النافع والمفيد .. ومره ثانيه حياج وبياج الرحمن .. وماننحرم من هل طله يا اختي العزيزه
احلا تحاياااا لج
GLAMOROUS
thaaank u sis ,, i hope u enjoy with my posts & my "GrGa" :)
TAKE cArE
5roofa
اهلا وسهلا.. والله الغيبه كانت بسبب انقطاع اشتراك النت .. وبداية الدراسه وخربطه بالجدول والروتين اليومي .. تصدقين من الساعه9 ونص الصبح لي 8 وشي بليل يالله ارد البيت
رحلة من الشقاء والعناء يتخللها شي من الوناسه لقضاء الوقت بشيئ نافع ان شاء الله :)
ان شاء الله جريب راح انزل بوست ومايصير خاطرج الا طيب يا خرووفتنااااا الغاليه
جاو *_^
بنت الشاميه
الله يبارك في حياتج وينعاد عليج وعلى غالينج بالصحه والعافيه
واتممنى من هذا العالم "المدونتجي" يستقبلني بصدر رحب
وماننحرمش من هل طله يا اختي العوده :)
اجمل وارق التحاياا
إرسال تعليق